You’re The One

 Sa itinagal-tagal ng pagkakaibigan nina Ava at Jace, iisa lang ang laging wish ni Ava para sa kaibigan na mahanap na sana ni Jace ang THE ONE nito. Kung bakit kasi kahit mapagmahal naman ang kaibigan at sa palagay ni Ava ay naghahanap din ito ng makakasama sa buhay, wala sa mga babaeng nakarelasyon ni Jace ang tumagal man lang. Maliban na lang kay Sydney. Lumagpas nang isang taon ang relasyon ng dalawa. Kung ganoon, kahit nauwi iyon sa wala, may potensiyal na si Sydney ang THE ONE ni Jace.

 Eksaktong kinailangan ni Ava na magpa-makeover. To the rescue si Sydney. Mahusay ito sa trabahong iyon. Sobrang husay kaya lagi rin itong busy at hindi siya masamahan. Si Jace ang napakiusapan nito na samahan siya. Sa dalas ng pagsasama nilang dalawa, naiba ang pagtingin niya kay Jace. It looked like she was starting to like him a lot, and not as a friend anymore.

 Pero mukhang pang-friendzone lang si Ava. Kaya lang, umasa pa rin siya. Pag-asang natsugi nang malaman niya ang totoong dahilan kung bakit sa tingin niya, dumada-moves din ang BFF niya sa kanya.