My Love, My Hero - Altos Medalla

 Laking gulat ni Tracey nang makilala si Triccie. Kamukhang-kamukha niya ang babae. Pero mas nakakagulat pa ang proposal nito. Magpalit daw sila sandali ng puwesto para makalaya ito kahit pansamantala mula sa amang sobrang istrikto.

 Magandang karanasan iyon para kay Tracey. Siguradong makakatulong iyon sa script na isinusulat niya. May TF pa siyang matatanggap mula sa babaeng kamukha niya. Kaya go agad siya. Pero hindi niya inaasahan na may komplikasyon palang ibubunga iyon: si Altos Medalla na tatayong tagabantay niya dahil sa biglaang business trip ng daddy ni Triccie sa ibang bansa. Siguradong isang delikadong komplikasyon iyon sa puso ni Tracey. Dahil habang tumatagal ang pagkakasama nila, napakabilis na nahuhulog ang damdamin niya kay Altos. She shouldn’t fall for him. Because eventually, she had to leave and go back to her real life…