To Have And To Hold

 Matindi ang allergy ni Jerzel sa kasal. Kaya nang napili siyang maging participant sa isang research study tungkol sa attitude sa kasal ng kababaihan sa modernong panahon, tumanggi siya nang bonggang-bongga.

 Nagpatuloy ang tahimik niyang buhay. Hanggang bigla-bigla, dumating si Apollo sa buhay niya. Pero napahamak ito nang dahil sa kanya. Para makabawi, hindi niya natanggihan ang pakiusap ng lalaki na tulungan niya ito sa mga dapat na asikasuhin sa trabaho. Pero nang malaman ni Jerzel na ang trabaho ni Apollo ay mag-asikaso ng mga detalye ng kasal ng kung sino-sino, parang gusto na niyang bawiin ang pagtulong dito.

 Dahil na-expose sa mga bagay na dati ay pinakaiiwasan, natuklasan ni Jerzel na nag-iiba na ang kanyang pananaw, hindi lang sa kasal kundi sa pag-ibig in general. At sa tingin niya, malaki ang kinalaman ni Apollo sa pagbabagong iyon.

 Nai-in love na siya rito.

 Noon naman niya natuklasan ang isang masaklap na katotohanan. The feeling was not mutual. Dahil iba ang dahilan kung bakit naglalalapit si Apollo sa kanya.

 Napakiusapan lang ang walanghiya na maging facilitator sa research study!

 He was just playing a role…