Noodroep uit die Woestyn
Información sobre este eBook
Die verhaal begin in die bedrywige Arabiese kafee in Dini Salam, waar ons kennis maak met Teuns Stegmann, ’n Suid-Afrikaner in die Franse Vreemdelegioen, en sy hegte vriende, naamlik Fritz, Jack, Petacci, en Podolski. Hulle aande word gekenmerk deur kaartspel en die vermaak wat die mengelmoes van mense bied. Een aand word hul roetine versteur deur ’n skraal Arabiese bedelaar wat ’n medalje uit die Tweede Wêreldoorlog op hul tafel plaas. Die misterieuse man se sy vreemde oë prikkel Teuns se aandag. Nadat die man verdwyn het, vind die groep ’n naam op die medalje. Daar staan “Sidi Omar”.
Teuns is nou oortuig daarvan dat die medalje meer verteenwoordig as wat hul kon droom. Die nag neem ’n donker wending toe die Arabiese bedelaar, wat blykbaar meer is as wat hulle kon waarneem, in die straat vermoor gevind word kort nadat hy die medalje aan hulle oorhandig het. Sy laaste woorde, “Gaan na Sidi Omar,” dring diep in almal se gedagtes in. Kolonel Le Clerq is oortuig daarvan dat die manne moet uitvind wat agter die medalje en die gestorwe Arabier se boodskap skuil. Teuns, gedryf deur die hoop om sy vermiste broer te vind, meld hom aan as vrywilliger saam met die klein Petacci en legionnaire Paxos. So begin hul geheime sending, die hart van die warm en gevaarlike woestyn in, met ’n reis vol gevare en onbekende dreigemente,
Die reis word al hoe meer onheilspellend en dit begin Teuns se vermoede bevestig dat Sidi Omar meer is as wat dit aanvanklik vir hom gelyk het. Hulle reis word onderbreek deur vrees toe hulle voor ’n oase staan wat deur dood en ʼn gruwelike siekte geteister word. Verraad vind plaas toe die aantreklike Britse dame, Joan Matthews, en die soldaat Paxos omdraai en vir Teuns en Petacci van water en kos beroof. So begin ’n desperate stryd om te oorleef wat hulle uiteindelik na die geheimsinnige Sidi Omar oase lei, waar hulle die volle omvang van die gevaar ontdek. Is Teuns se planne en vasberadenheid genoeg om die dag te red, of sal die geheime van die Sahara vir hom en Petacci vir altyd in die ewige sande vasvang word?
