My eerste leesboek
About this ebook
Hierdie e-boek is doelbewus sonder enige illustrasies (behalwe vir die een hierbo). Dit dien as 'n hulpmiddel om jong lesers op te lei hoe om te lees en daar word spesifiek op die woorde gefokus sodat die kinders se aandag nie deur die illustrasies afgetrek kan word nie. Dit is ’n groot stap na afloop van die leer van die alfabet en die fonetiek van elke letter. Dit begin met drieletter-woorde en beweeg dan na vier en vyf letters en 'n paar groter woorde. Dan word daar na hierdie spesifieke woorde gekyk in die gebruik van volledige sinne. Dit help wanneer die kinders hierdie woorde verbaliseer en só die woorde memoriseer deur dit gereeld te gebruik. Dikwels memoriseer kinders woorde deur middel van illustrasies in plaas daarvan om die woord te lees. Woorde wat rym word ook doelbewus in hierdie boek geskommel ten einde dit meer uitdagend te maak. Ek is tans besig om ’n tweejarige te leer lees, wat my gemotiveer het om hierdie boek te skryf. Hy het reeds die alfabet onder die knie, klein- en hoofletters en die fonetiek daarmee saam. Dit was moeilik om eenvoudige “woordeboeke” sonder enige illustrasies op te spoor om as die aanknopingspunt te gebruik. Hiermee dien hierdie boek as ʼn hulpmiddel om hom te leer en ek is seker daar is ander mense wat ook hierby sal baat. Ek hoop u vind dit as ʼn nuttige hulpmiddel vir jou jong leser.
Ratings and reviews
- Flag inappropriate
- Show review history
- Flag inappropriate
About the author
In die pragtige staat van Washington, is skrywer Amber Richards altyd geïnspireerd. Vir langer as wat sy kan onthou skryf sy en tot vandag toe noem sy die Pasifiese Noordwes haar tuiste.
Amber se boeke handel oor ’n verskeidenheid onderwerpe, waarvan almal van hulle wel een ding in gemeen het. Haar liefde vir die natuur, kinders, familie en die fondasie van elkeen asook haar passie word op elke bladsy duidelik gemaak. Sy het ook onlangs waterkleur-kunstenaar by haar lysie van talente gevoeg en daarvoor hoef sy net deur haar venster vir daaglikse motivering te kyk.
As Amber nie lewe in haar nuwe boek of skildery blaas nie, word sy omring deur haar geliefde familie. Sy is ’n trotse ma van twee kinders en geniet elke oomblik wat sy saam met haar vyf kleinkinders kan spandeer.
