क्राउडसोर्स

ठुलो परिवर्तन ल्याउन सक्ने रमाइला तथा सजिला प्रश्नहरूको जवाफ दिनुहोस्! लेभलहरू पार गर्नुहोस्, ब्याजहरू अनलक गर्नुहोस् र त्यस क्रममा आफ्ना उपलब्धिहरू सेयर गर्नुहोस्! तपाईंले स्वैच्छिक रूपमा दिनुभएका योगदानले तपाईंको क्षेत्रमा उपलब्ध रहेका Google का उत्पादनहरूको गुणस्तरमा सुधार ल्याउन मद्दत गर्छन्। Google एसिस्टेन्टलाई अझ राम्रोसँग अर्थ बुझ्न सिकाउनुहोस्, तपाईंको भाषाका हकमा Google Translate को गुणस्तर सुधार गर्नुहोस् र Google Photos लाई वस्तुहरू पहिचान गर्न मद्दत गर्नुहोस्। तपाईं स्थानीय तथा विश्वव्यापी रूपमा Google का उत्पादन तथा सेवाहरूमा सुधार ल्याउनका निम्ति माथि उल्लिखित तरिकासहित विभिन्न तरिकाले योगदान दिन सक्नुहुन्छ र योगदान दिने तरिकाहरू समयक्रमसँगै बढिरहेका छन्।



Google का योगदानकर्ताहरूको समुदायमा सामेल हुन निम्नमध्ये केही कार्य गरी हेर्नुहोस्:



सांस्कृतिक फोटोको पुष्टि: सरल प्रश्नहरूको "अँ" वा "अहँ" जवाफ दिएर फोटोहरू सांस्कृतिक रूपमा सटीक छन् भन्ने कुरा पुष्टि गर्नुहोस्।

प्रश्नको बुझाइ: तपाईं दिइएको प्रश्न कत्तिको बुझ्न सक्नुहुन्छ भन्ने कुरा चयन गर्नुहोस्।

फोटोको तुलना गर्ने कार्य: तपाईंलाई कुन चाहिँ फोटो अझ राम्रो लाग्यो हामीलाई बताउनुहोस्।

हस्तलेखन जाँच गर्ने कार्य: तपाईंले देखेको टेक्स्टसँग हस्तलेखन मिल्छ कि मिल्दैन हामीलाई बताउनुहोस्।

हस्तलेखन पढ्ने कार्य: तपाईं हस्तलेखनमा भनिएको कुरा बुझ्नुहुन्छ कि बुझ्नुहुन्न हामीलाई बताउनुहोस्।

हस्तलेखन तुलना गर्ने कार्य: हस्तलेखनका दुई किसिमका शैली हेरेर आफूलाई मन पर्ने शैली छनौट गर्नुहोस्।

पोइन्टको पुष्टि गर्नु पर्ने कार्य: केन्द्रविन्दु फोटोको सिरानमा परेको छ भन्ने कुरा पुष्टि गर्नुहोस्।

खानाका फोटोको तुलना: खानाका दुई वटा फोटोका विशेषताहरू तुलना गर्नुहोस्।

अडियो रेकर्डिङ दान: बोलीसम्बन्धी प्रविधिमा सुधार ल्याउन तपाईंको आवाज रेकर्ड गर्नुहोस्।

खानासम्बन्धी तथ्य: खानाको कुनै परिकारको कुनै खास विशेषता छ भने हामीलाई बताउनुहोस्।

खानाको लेबल: हामीलाई फोटोमा कुन खाना देखाइएको छ भन्ने कुरा बताउनुहोस्।

मिल्दोजुल्दो अर्थ: दुई वटा वाक्यांशले उही अर्थ दिन्छ कि दिँदैन भन्ने कुरा निर्धारण गर्नुहोस्।

चार्टको बुझाइ: चार्टहरू बुझ्न सकिने खालका र विश्वसनीय छन् कि छैनन् भन्ने कुरा निर्धारण गर्नुहोस्।

ग्लाइड गरेर टाइप गर्ने सुविधा: आफूले देखेको टेक्स्ट टाइप गर्न किबोर्डमा आफ्ना औँला ग्लाइड गर्नुहोस्।

अडियोको जाँच: कुनै छोटो अडियो क्लिप सुन्नुहोस् र उक्त अडियो क्लिपमा गरिएको उच्चारण तपाईंको भाषामा स्वाभाविक सुनिन्छ कि सुनिँदैन भन्ने कुरा निर्धारण गर्नुहोस्।

फोटोको वर्णन: बोलीसम्बन्धी प्रविधिमा सुधार ल्याउन तपाईंलाई देखाइएका फोटोहरूको वर्णन गर्दै आफ्नो आवाज रेकर्ड गर्नुहोस्।

फोटोको लेबलको पुष्टि: फोटोहरूमा सही लेबल हालिएका छन् कि छैनन् भन्ने कुरा हामीलाई बताउनुहोस्।

फोटो खिच्ने: तपाईंको वरिपरि रहेका कुराहरूको फोटो सङ्कलन तथा सेयर गर्नुहोस्।

अनुवाद: वाक्यांश र शब्दहरू विभिन्न भाषामा अनुवाद गर्नुहोस्।

अनुवादको जाँच: अनुवाद सही भएका वाक्यांशहरू चयन गर्नुहोस्।

हस्तलेखनको पहिचान: हस्तलेखन हेर्नुहोस् र आफूले देखेको टेक्स्ट टाइप गर्नुहोस्।

भावको मूल्याङ्कन: कुनै वाक्य तपाईंको भाषामा सकारात्मक छ, नकारात्मक छ अथवा तटस्थ छ भन्ने कुरा तय गर्नुहोस्।

स्मार्ट क्यामेरा (डिभाइसमा Android Lollipop ५.० भन्दा पछिल्लो संस्करण हुनु पर्छ): क्यामेरालाई कुनै वस्तुतिर तेर्स्याउनुहोस् र क्यामेराले उक्त वस्तु पहिचान गर्न सक्छ कि सक्दैन भन्ने कुरा हेर्नुहोस्।



तपाईंले हरेक पटक कुनै जवाफ पेस गर्दा भविष्यमा Google का उत्पादनहरू सबैका लागि अझ राम्रो बनाउन मद्दत पुग्छ। यसका साथै तपाईंले मद्दत गरेबापत तपाईं स्थानीय रूपमा आयोजित भेटघाट कार्यक्रममा अन्य योगदानकर्ताहरूसँग जोडिने, Google का कर्मचारी र अन्य योगदानकर्ताहरूसँग अनलाइन Hangouts मा सामेल हुने विशेष निम्तो प्राप्त गर्ने र क्राउडसोर्सको सामाजिक च्यानलहरूमा देखिनेलगायतका लाभहरू प्राप्त गर्नु हुने छ। तपाईं रेलमा यात्रा गरिरहनुभएको होस् वा बस बिसौनीमा बसिरहनुभएको होस् वा लाइनमा आफ्नो पालो कुरिरहनुभएको होस्, केही समय निकालेर तपाईंको स्थानीय समुदायका लागि Google का उत्पादन तथा सेवाहरूमा सुधार ल्याउन मद्दत गर्नुहोस्।