Matyan Voxbergutyan Narekatsi

Մեր այս "Մատյան Ողբերգության Գրիգոր Նարեկացի" (Matyan Voxbergutyan Grigor Narekatsi) հավելվածում առկա է
«Մատյան Ողբերգության» աղոթամատյանի Անգլերեն, Ռուսերեն, Հայերեն Գրաբար և Վազգեն Գևորգյան աշխարաբար թարգմանությունները:

Հավելվածը գտնվում է պատրաստման փուլում, ուստի հնարավոր է օգտագործման ընթացքում առաջանան խնդիրներ,
թարմացումների ժամանակ փոփոխություններ, ինչպես նաև որոշ տառասխալներ և վրիպակներ աղոթքներում։
Խնդրում ենք ըմբռնումով մոտենալ, մինչ դրանք փուլ առ փուլ կշտկենք: Հետագայում դիտարկում ենք ներառել օտար լեզուներով և
հայերեն այլ թարգմանություններ, ինչպես նաև աղոթքներին լսելու հնարավորություն։

Պատրաստ ենք համագործակցության, լսել ձեր խորհուրդները, առաջարկները հավելվածի զարգացման և մեր հայ հոգևոր գանձերի տարածման վերաբերյալ։

Մենք՝ հայ Առաքելական Սուրբ Եկեղեցու մի խումբ հետևորդներ ենք և նպատակ ունենք այս հոգևոր գանձը
ավելի հասանելի դարձնել, հույս ունենալով նպաստել մեր հավատքի ամրացմանը:
Մենք այս հավելվածով և մեր այլ նախագծերով որևէ շահույթ չենք հետապնդում, միակ նպատակը Աստծուն ծառայելն է:

Մեր կայքէջը՝ apostolic-church.am
Կապի էլ. փոստը՝ [email protected]

*** Գրիգոր Նարեկացու մասին ***

Գրիգոր Նարեկացին ծնված պետք է լինի 10-րդ դարի 40-ական թվականներին և վախճանված 1003 թվականից հետո:
Որդին Խոսրով Անձևացի եպիսկոպոսի և Անանիա Նարեկացու եղբոր դստեր՝ նա իր մյուս երկու եղբայրների հետ, մեծանում է
Ռշտունյաց Նարեկ վանքում «սնեալ և վարժեալ սրբութեամբ և իմաստութեամբ առ ոտս Անանիայ վարդապետի»,
որին Ասողիկը համարում է «փիլիսոփայն մեծ», իսկ Ուխտանեսը` «տիեզերական վարդապետ»:
Իր «Ողբերգության» հիշատակարանից իմացվում է, որ Գրիգորը վանքում ձեռնադրվել է քահանա, իսկ ՀԱ գլխից էլ պարզվում է,
որ նրան կոչել են նաև վարժապետ (պետ վարժից) ու վարդապետ և որ իր իսկ կենդանությամբ նրան պատվել են
ոչ միայն «արդար», այլև «սուրբ» որակումներով։
Գրիգոր Նարեկացու «Մատյան»-ը 1022 տարեկան է: Շուրջ 11 դար է, որ այդ անմահ ու անհաս ստեղծագործությունը, հմայում
ու գերում է ընթերցողին, սերունդներ բուժում, կրթում ու դաստիարակում ու չի հնանում: