Google Authenticator

Google Authenticator engade unha capa de seguranza adicional ás túas contas en liña a través dun segundo paso de verificación ao iniciar sesión. Deste xeito, ademais do contrasinal, tamén terás que meter un código xerado pola aplicación Google Authenticator no teléfono. A aplicación Google Authenticator pode xerar o código de verificación no teléfono, aínda que non teñas conexión móbil nin de rede.
* Sincroniza os códigos de Authenticator coa túa Conta de Google e en todos os teus dispositivos. Desta forma, poderás acceder sempre a eles aínda que perdas o teléfono.
* Configura automaticamente as túas contas de Authenticator mediante código QR. É un método rápido e sinxelo que che axudará a asegurarte de que os códigos se configuren correctamente.
* Compatibilidade con varias contas. Podes usar a aplicación Authenticator para xestionar varias contas, de xeito que non teñas que cambiar de aplicación cada vez que necesites iniciar sesión.
* Compatibilidade coa xeración de códigos baseados en contadores e no tempo. Podes escoller o tipo de xeración de códigos que mellor se adapte ás túas necesidades.
* Transfire contas entre dispositivos mediante código QR. É unha forma práctica de transferir as túas contas a un dispositivo novo.
* Para utilizar Google Authenticator con Google, tes que activar a verificación en dous pasos na túa Conta de Google. Para comezar, accede a http://www.google.com/2step Aviso de permiso: Permiso da cámara: é necesario para engadir contas mediante códigos QR